PANCASILA

PANCASILA

Pancasila iku jiwaku

jiwa kang murub  ngalad-alad

sulumahing bumi kamardikan

pancasila iku dharahku

dharah kang mili santer

sarandhuning jiwa perjuangan

ya jiwa kamardikan

kang makantar-kantar ora bisa ditelukake sapa bae

karana kamardikan kuwi palimarmaming Gusti

hak uriping bangsa kang nresnani wutuh getihe

ya jiwa perjuangan

kang santer nora bisa dibendung sapa bae

karana kamardikan kuwi palimarmaming Gusti

hak pembudidayaning manungsa, cipta-ciptaning ngaluhur

pancasila lan kamardikan

pancasila lan perjuangan

jiwa sekti

dharah kepahlawanan

Jejeg jejering kapribaden bangsa Indonesia.

Bingung

Bingung 

Plonga-plongo anteng kaya patung

Mubeng-mubeng kaya kitiran

Apa sejatine sing tak pikir

Ora genah kaya ngene

Bingung , iyo aku bingung

Bingung marang uripku

Bingung marang masa depanku

Dhuh gusti aku bingung

Rembulane bunder

Rembulane bunder

Nalika ana ngisor wit cemara

Aku lan slirahmu nggelar klasa

Sinambi gawa panganan

Kanggo nyawang rembulane kang bunder

Mencorong mrekah rembulane

Kaya ati ati kang lagi bungah

Bungah sesandhingan marang slirahmu

Slirahmu cah ayu kang gawe tentreming ati

Lintang malem senin

Lintang malem senin

Padhang langite kerlap-kerlip lintange

Abang ijo werna-werna ana dhuwur

Pangarepe lintang tumiba ana ngisor

Dikancani kang mas sinambi ndelok lintang malem senin

Sumribit angin ing wayah saya wengi iki

Ora ana rasa adem , atis

Anane rasa bungah sanalika jejeran

Jejeran marang slirahmu ing ngisor lintang

Pesenku....

Pesenku

Jumangkah ing wates umurmu

Wektu gawa kowe ana nyata

Pandheng,rasakna……

Legi pait kauripan

Kanca…

Akeh antarane langkahing sikilmu kang jumangkah

Ri ri kang lancip kaya landepe piso kang siap kanggo gawe loro kowe

Krikil-krikil kang lancip padha ngadeg

Pandhengo ana ngarep jurang kang jero

Saben wektu biso nibokake awakmu

Nanging…

Dalan kang aku liwati bakal ngerteni aku

Arti lan jawaban kanthi saiki kowe golek

Kowe bakal ngerti apa kuwi kauripan

Ikilah pesenku

Kanggo kowe aku mung biso donga lan njaluk pangarep-arep marang gusti