Punakawan yaiku abdine ksatria, jumlahe ana papat. Punakawan uga dadi simbol saka cipta, rasa, karsa, lan karya. Kapisan Semar, cirine kuwi nduweni kuncung putih, iki dadi simbol saka cipta, yaiku pikiran utawa gagasan kang apik. Kapindo Gareng, cirine mripate kero, tangane cekot lan sikile pincang. Kekurangane dadi simbol rasa. Mripate kero yaiku rasa waspada, tangane cekot yaiku rasa teliti, sikile pincang yaiku kudu ati-ati. Ketelu Petruk, kang dadi simbol saka karsa utawa kekarepan. Cirine ana ing bentuk tangane, tangan ngarep kanggo milih apa kang dadi kekarepane dene tangan mburi nggegem kenceng saka apa sing wis dadi pilihane, loro-lorone kudu bisa kerjasama sing apik. Kepapat Bagong, kang dadi simbol karya. Cirine saka bentuk driji tangan kang mbukak kabeh, artine gelem rekasa.
Semar kuwi jelmaane Batara Ismaya, yaiku dewa kang diutus tumurun ing donya kang tugase ngemban para satriya. Garwane asamane Dewi Kanastren, putrane ana 3 yaiku: Nala Gareng, Petruk, lan Bagong.
Semar padhepokane ana ing Klampis Ireng. Dasanama: Badranaya, Nayantaka, Jangganasmarasanta.
Watake: sabar, seneng ngalah, tresna marang sapadha. Sengit marang angkara murka, seneng keadilan.
Pamudaraning Pralambang Wayang Semar
1. Kuncung Putih, dados pralambang padanging angen—angen.
2. Idep ngramyang lan mata rèmbès, dados pralambang paring piteda netra ingkang tansah waspada, kedah saged ngeremaken netra saking bab perkawis ingkang kirang saé tumraping Agama lan Kasusilan.
3. Irung Sunti, dados pralambang manungsa punika kedah nyilik nyilikaken pangiseping hawa nafsu, supados boten remen ngisep—isep alaning liya (nggolèki salahé wong liya), remen ngadu—adu ingkang boten saé (kakéan omong) nanging boten wonten paedahipun.
Putra pembarepe Semar. Dasanama: Cakrawangsa, Pancalpamor.
Watak: ati-ati anggone tumindak, jujur, seneng karukunan para sedulur. Nala: ati, gareng: garing. Dadi Nala gareng tegese ati sing garing, sing ngemu teges wong kang ora pinter ngomong.
Putrane Semar kang nomer loro.
Dasanama: Ki Lurah Kantong bolong, Ronggongjiwan.
Wateke: utun anggone mergawe, seneng tetulung, pinter ngomong, pinter nyanyi, sopan lan becik budine. Akeh ilmune lan wawasane luas.
Putrane Semar kang ragil.Dasanama: Bawor.
Watake: seneng guyon, lancang, seneng mlesetake basa lan nyenggak omongane wong liya. About these ads
Tidak ada komentar:
Posting Komentar